الاستاذ ابو احمد الهنداوي ...بقلم ملة احمد الخيكاني

يبن أمي يحسـين خويه الطفل وين

من ساعة الـخذته وكَليبي لازمــــته

العبد الله ماشـــفته خويه الطـفل وين

********************

يخويه حسين حاجينــــــي الكَلب بلحسره يتفســــر

الجروح اعليه تتوالـــــــــه وكل واحد كلف وكــــبـر

أنشدك وين عبد اللــــــــــه سكَاه الماي هالعسكــــر

الرباب عليه تنشـــــــــــدني عفتهه عله المهد تفتـــر

كَلب اختك ايذوب خافنه مصيـــــوب

ياخويه حاجينــي مصيبوبه تدريني

وغيابه ياذينــــي خويه الطفل ويـن

****************

يخويه عليك ضلع أمــــــي الطفل للماي شربتـــه

رقيه وسكنـــــــه نشدنـــي اشو للخيمه ما جبتــه

ابين الاكــــــبر وجســــــام اخافن خويــــه نيمتــه

لويم الكَمـــــــــر عبـــــاس عله ذرعانـــه وسدته

عالمشرعه حتــــــام يم الكَمـــر نــــــام

ايطلع سهم عينـــه ايضمدله جفينــــه

ويمسح دمّه جبينه خويه والطفل وين

******************

عفت أمه الرباب هنــــــاك تذوب ابلهفة المدمــــع

تكَلي يختـــي يازينـــــــــب اخافن طفلي مايرجــــع

تطوف عله المهــــد وتوّن ذهيله ومابعـــــد تهجع

تصيح اوليدي جيبـــــــولي وخافن روحهه تطلـــع

أم حكَهه تنصاب عنهه الولد غاب

ياهو اليصبرهــه ذابت نواظــرهه

مكسور خاطرهه خويه الطفل وين

********************

يزينب هذا عبـــــــد الله ذبيح وفايض بدمــــه

ابين اجفوفي ياخويــــه وتلكَه بركَبته سهمــه

يرفرف جنه طير وكَــام يحظن صدري ويظــه

هاج اخذي الطفل منـــي بعد ما عندي كل همـه

لا لا تشميـــــــــه خافن تلجميــــــــه

عمر الورد عمره ظامي انكَطع نحره

اكَبالي انطفه بدره خويه الطفل ويـــن

*******************

يكَلهه يختي يازينــــــب بعد ما تسوه أيامـــي

طفل شنهو الجناه يختي حته ايصوبه الرامـي

عكَب عباس والاكــــــبر شلون اتهود الامـــي

ومن أنصاري والشبــان اشوفن خاليه اخيامي

من عكَب الاحباب عني الامل غــــــاب

بدموعي اواسيهم وبجروحي احاجيهم

عفتوني اناديهـــم خويه الطفـــــل وين

****************

أجت زينب ابطفل حســين ودمعهه عله الوجن يجري

تون وتجــــــــذب الحسره آنه شسويت يادهــــــــــري

يريت آنه وي عبـــــــد الله يروح وينكَظــــــــي عمري

حرت للحومه أردن بيــــك لو لخيــــــــــــامي ما أدري

أمك تتانيــــك ومتمحنه عليــــك

ماينحمل همك واشلون ارد لمّك

وتردد ابأسمك خويه الطفل وين

*****************

خادم الحسين (ع)

الاستاذ ابو احمد الهنداوي

بارك الله بكم ومزيدا من التالق

» قصيدة ياعباس للرادود الحسيني احمد الخيكاني
» قصيدة لخيامي للرادود الحسيني احمد الخيكاني
» القلب الجريح((بقلم الاخت اسمى ايات))
» بقلم املي حياة حلوا(دخلت يوماً إلى سوق الحياه ..)